الأحد، 30 ديسمبر 2012

التضخم والصفعة "أزمة البترول"



إذا زادت الأموال .. قلت قيمتها بناء على القانون الأزلي والسنة الكونية الإقتصادية المسماة العرض والطلب .
هذا باختصار هو قانون العرض والطلب  الذى تترتب عليه قيمة وسعر كل سلعة حولنا ، فما يجعل الذهب غالي ونفيس هو الندرة ، وما يجعل الصفيح رخيص هو الوفرة .
أيضاً طبقاً لقانون العرض والطلب .. تقل قيمة العملة بسبب كثرة الفلوس فى ظل قلة ومحدودية الانتاج ، الأمر الذى يجعلنى أجسر وأقول أن عملية طباعة الفلوس دون مقابل من الإنتاج عملية تزوير وغش، لذا يجب أن يكون للجنيه كم ذهبي ، أى غطاء ذهبى لما يطبع من أموال ، وفى مخالفة هذا تتعرض الحكومة لأكثر النماذج الساذجة من التضخم.

علاقة أزمة البترول بقانون العرض والطلب
في حرب أكتوبر وقفت الحكومات العربية وقفة رجل واحد وامتنعت عن ضخ البترول .. الأمر الذى أدى إلى ندرة البترول في الأسواق ما أدى بدوره إلى ارتفاع سعر البترول بشكل قياسي من 2 دولار للبرميل حتى 42 دولار للبرميل الواحد !
صدمت الحكومات الغربية .. لكنهم لم يصمتوا ،  بل تآمروا وخططوا ؛ بدأت الحرب بنفس القانون .. ألا وهو "قانون العرض والطلب" .
بحث الغرب في كل مكان عن البترول .. فى الأرض وفي البحر الأمر الذى أدى إلى تدفق البترول بالفعل من بحر الشمال بالإضافة لفوائض مخزنة.
كانت الخطوة السابقة تمهيداً لدفع كميات كبيرة من البترول في الأسواق حتى يزيد عن الكمية المطلوبة فينخفض سعره وهذا ما حدث ، فانخفض سعر البترول من 42 دولار للبرميل إلى 27 دولار . لم يتوقف الأمر عن هذا الحد بل خفضت انجلترا السعر 4 دولارات وتبعتها نيجيريا ثم السويد فالنرويج .. الأمر الذي أضر بدول الأوبك كثيراً .
أصبح الوضع حرجاً .. فانخفاض السعر بهذا الشكل أدى إلى توقف المشاريع الإنمائية فى الدول التى اعتمدت على البترول كمصدر أساسي للدخل ، لذا كان الحل الوحيد أمام الدول العربية ضخ كمية أكبر من الترول حتى يبيعوا أكثر فيقللوا الفارق ويسرعوا فى عملياتهم التنموية .
لكن المشكلة كانت أعقد من أن تحل بهذه الطريقة ، فإذا ضخت دول الاوبك بكميات أكبر فى السوق انخفض السعر أكثر وأكثر وتفاقمت المشكلة أكثر وأكثر !
لقد استغل العرب القانون الاقتصادى البسيط "العرض والطلب" كسلاح فى وجه الغرب الذى أيد الكيان الصهيوني ضد مصر ، واستغل الغرب نفس السلاح بمهارة أكبر فى توجيه صفعة قوية للعرب .
لكن يبقى السؤال .. هل يكتفى الغرب بتلك الصفعة ؟
هذا ما سنحاول الاجابة عليه فى المقال القادم إن شاء الله .

الاثنين، 24 ديسمبر 2012

ممكن نتعرف !!!



الاسماء التى ذكرت فى المقال هى من وحى الخيال وليس لها علاقه باى شخص فى الحقيقه


وانا ماشى النهارده لقيت بنتين اعدين  مع بعض وبيحكوا حكايه كده وكالعاده قمت 

رميت ودنى لقيت واحده فيهم مخنوقه 


اوى وبتقول : انا مش عارفه اعمل ايه انا اتخنقت                                         


*ايه الى حصل بس روقى 


مش انتى اول لما تدخلى بتلاقى ناس كتير بتبعت طلب صداقه 


اه طبعا اكيد لازم الاقى الناس ده 


انا بقى مخنوقه من كده طلبات الصداقه كتير وكلهم اولاد 


وكل ولد يبعتلى رساله يقولى فيها انا مبسوط اوى انك وافقتى على طلب الصداقه 


هو مينفعش نعد على الفيس من غير لما نعد نقبل فى طلبات الصداقه 


قالتلها يبنتى انتى بنت واى بنت لازم تكون عندها طلبات صداقه كتير على الفيس 

واكيد هيتبعتلك رسايل كتير

مش كده وبس كمان استنى ولما اقبل واحد  ياربى على الرخامه 



هاااى ممكن نتعرف انا كذه وعندى كذه  وساكن كذه وانتى بقى ساكنه فين وانا طبعا 

مش برد ويعد يقولى يبنتى فينك 

على اساس اننا نعرف بعضنا من 10 سنين مثلا 


مره لما اتخنقت منه ومكنتش عاوزه ااقفل الدردشه علشان بكلم صحباتى قمت قولتله 

معلش ياوليد انا مخنوقه شويه 

ممكن متكلمنيش  دلوقتى ولقيته مره واحده بيقولى :

ايه ده انتى مخنوقه ومتقوليليش  يبنتى مش احنا اصحاب طيب ليه مش بتقوليلى 

انتى مختوقه من ايه وانا والله اصلا 


متكلمتش معاه قبل كده يبنتى  مره واحد بقى قام كاتبلى رساله بيقولى فيها انا بعتلك 

طلب صداقه علشان انتى محترمه 


بجد واننا ننفع نبقى اصحاب كويسين ازاى بقى عرف انى محترمه متعرفيش وانا 

اساسا قافله كل حاجه عندى محدش 

بيشوفها غير ااصحابى .

وخلى بالكوا كل ده انا رامى ودانى ومشلتهاش والموضوع شدنى اوى رحت مقرب 

منهم كده ومسكت الجورنال اكنى

 بقره فيه 

راحت البنت التانيه ضحكت اوى وقالتلها انتى الى بيحصل فيكى ده مش حاجه اسمعى 

بقى حكايتى مع طلبات الصداقه 

انا مره واحد باعتلى طلب صداقه واتعرفنا على بعض والصراحه عجبتنى الصوره الى 

كان حاططها فقولت فى سرى 

يابت شكله واد روش تعالى نتعرف عليه مش هنخسر حاجه رحت مكلماه وكالعاده 


هااااى / هاااى   .... ممكن نتعرف ؟ / اكيد   ... انا محمد من الجيزه وانتى ؟/ انا 

ندى من الجيزة برده فرصه سعيده 


قام قايلى انا اسعد ودخل فى الحوار معايا وبقى كل يوم يكلمنى وفى مره قام قايلى ندى 

انتى حبيتى قبل كده قلتله لا قام 

قايلى انا بقى ياستى حبيت قبل كده بس سيبتها طبعا انا مقلتلوش ليه ولا حاجه وبعد 

كده انا كنت عامله جروب فى الفيس 

لصجابنا وكده قمت مدخلاه فيه وقلت انه عيل جدع ومش هيعمل حاجه قام قايلى 

متعينينى ادمن انا هساعدك فى الجروب 

قمت معيناه وبعد معينته لقيته قام قايلى شكرا ياعسل قام مسحنى من الجروب 

ومسحنى من الاصدقاء عنده وطبعا خد 

الجروب وعرفت ساعتها انه متعرف عليا علشان جروب بينى وبينكواانا اتضايقت 

فقمت قولتلها معلش الولد ده قليل 

الاصل جدا ازاى يعمل كده وفجاه لقيت الاتنين باصنلى كده وانا كملت كلامى وقولتلهم 

بس على فكره مش انتوا بس الى 

بيحصلكوا كده انا مره اتعرفت على بنت واعدت تحكيلى على نفسها وتقولى انا 

استريحتلك اوى يماجد واعدت تقولى انت حد جميل اوى وانت شخصيه محترمه جدا .

ردت البنت الاولى لو فاكرينها قالتلى وبعدين اكيد ده بنت كويسه وبتحبك 


قمت اعدت اضحك استغربوا طبعا فقمت كملت وبعدين فى مره من المرات وهى 

بتكلمنى قامت قايلالى ماجد ممكن اطلب 

منك طلب قولتلها ياريت قولى قامت قايلالى طيب اوعدنى اننا نفضل اصحاب مهما 

كان الطلب قلتلها اطلبى يبنتى قالتلى 

ممكن تعرفنى على صحبك انا الصراحه ساكنه مع صاحبك فى الشارع بس مش عارفه 

اكلمه ولما اعدت ادور لقيتك 

صاحبه فقولت انك انت الى هتعرف تصاحبنى عليه وده كانت حكايتى مع الفيس ايه 

رايكوا قاموا هما الاتنين فى وقت 

واحد قالولى ماجد : ((ممكن نتعرف؟))

الكاتب :ماجد عزت 
                                                  
القسم : الاجتماعى

مشرف القسم : رحمه اشرف

مدير المدونه : ماجد عزت

الخميس، 20 ديسمبر 2012

المصفوفات

نشكر زميلنا عبد الرحمن سيد الى جابلنا الفيديو ده
اتمنى ان الفيديو يعجبكوا



                                                                                   







           ماجد عزت 

يعني إيه مذاكرة؟


بواد غير ذى زرع


جبل من تفاهات 

كذلك تخطب الحمقاء

كذلك نورث الموتى

كذلك يستحيل الحلم 

ولو صار الهوى عشقا

فعشقى زائف حقا

وبحرى مائه يابس

وارضى تنزف الركان

وفنى قاتل وقتيل

وصرح ازرق اجوق

على رأسه ارى حلمى

كمرآه محدبة

وارى قطع السماء

تلخصت فيها

كموج البحر

صوفى عباءته

يفيض فيغرق الفنان فى قلبى

ويأتى دور مقتولى

ليأكل جيفتى عبثا فتضنيه

فيستلقى على مدد

ويقتل حلمى الاحمق

وتقتل ظبيتى العرجاء

بواد غير ذى زرع

وحلم غير مكتمل

وكأس فارغ نصفه

وقاتل اعدم الاعدام

واصدر حكمه عبثا

انا المعشوق

لااخجل

انا رمل رماه الله

فى وجه العدا ذلا

انا ثقب

منعت اراده الطاغوت

عن سفنى

انا شعر قليل الكلم والاوزان

انا الاشباع والارواء

انا المسجد

وجرس كنيسه الاحياء

انا الانسان

تأليف : امير شعراء جامعه حلوان 

احمد محمد كامل

القسم: الثقافى   مشرف القسم : مصطفى الصاوى

مدير المدونه : ماجد عزت         

الة الزمن الحلقه الاولى (عايز افطر)




ملحوظه : الشخصيات الموجوده بالقصه من وحى خيال المؤلف 


فى يوم من الايام كان فى اخين مع بعض على طول............ مش اخين اخين ياعنى هما اكتر من الاخوات وجمعتهم كلية واحدة كلية العلوم وكانوا مبسوطين اوى لما دخلوا الكلية افتكروا انهما هيغيرو االكون بس هما حاولوا  ..... تبتدى حكايتنا لما طلع الصبح ومفيش فطار فى بيت زكوة و زيكا والجرس بتاع المنبه بيرن وزيكا بينادى على زكوة وبيقوله :

زيكا : زيكوا زكوة زكوة اصح يازكوة متعملش فيها نايم انا شايفك عمال بتحرك فى صوابع رجلك وصباع رجلك الصغير عمال يتحرك كتير ............> وفى صوت زعيق كبير< .

زكوة: سبحان الله ياخى هما الناس اللى بيناموا بيبقوا ميتين موقفين الحركة مش بيعملوا حاجة انت غريب يازيكا كل حاجة تحللهلنا زى الكلية اللى احنا فيها طب حلل لنا عشتنا بقى بدل اللى احنا فيه ده

زيكا : مالها عشتنا زى الفل
زكوة: انت هتقولى زى القشطة بلد جميلة الشوارع نظيفة حكومة زى الفل وكل شوية تقولك الخير كتير بس انت انوى واغرف منه
زيكا :هههههههههههههههههههههههههه .هو ده اللى انت فالح فيه تعد تعدد بدل ماتعمل حاجة مفيدة وتفيد البلد

زكوة : كفاية شعارات على الصبح فين الاكل
زيكا: مفيش فطار
زكوة: ومفيش فطار ليه ياعبقرى زمانك,  الفلوس الى الجامعة مدياها لنا فين
زيكا :فلوس ..........التمنين جنيه بتسميها فلوس دول مكافوش حق اللومض
زكوة: بقولك ايه تمانين.. عشرين انا راضى فين الفلوس
زيكا: الصراحة ياساحبى انا عزتهم عشان انفذ الاختراع بتاعى ده اختراع مهم اوى
زكوة: اختراع  اختراع يالههههههههههههوى ياعنى مافيش كمان غدى ولا عشا روح يازيكا يابن تفيدة ياكش تولع انت واختراعك
زيكا :عيب افتكر احنا بنعمل كل ده عشان خاطر مصر
 زكوة: ايوة ايوة ياد سمعنى بقى النشيد قبل ما ننزل الكلية عشان انا محيتش العلم انهارده هقول ايه حسب الله ونعم الوكيل

زيكا : طب البس انت بس عم شحتا هيفطرنا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تأليف : يوسف الملاوانى
القسم الفنى    مشرف القسم : شروق ابراهيم
مدير المدونه : ماجد عزت

اميرة قلبى انا





اتذكر حين اخبرتها...... دون قصد ابكيت عينها
وسعدت حين قالت انى حبيبها.... وبكيت لانى سبب دموعها
فانا لم اعلم الحب الا بها....ونبض قلبي يعشقها
هى من ملكت قلبى بضحكاتها...ولا ينطق لسانى سوى اسمها
اعشق ابتسامة عيونها....وتبتسم الحياة حين ارى وجهها
فالانسان مخلوق للعمل والعبادة...فاعبد ربى وعملى حبها
لمن اشكو غبائى حين ابكيتها...والورد ياخذ الرقة من احساسها
انعم الله عليا بالاسلامى وهى خير نعمة
وطمعت فى كرم الله فاعطانى نعمة عشقها
تهرب الكلمات من على لسانى.... فلا شيءيصف حبي لها
فهى حبى وحياتى وروحى وانا ملك لها
اعلم ان ما اقول قليل عليها...لانها ملكة متوجة عرشها
عرشها قلبي وحياتى ملكها
ابحرت فى بحر الكلمات لاجد قدرها
فلم اجد.... واحتار عقلى فى وصفها
ورد قلبي هى كلمة ...... وادعو الله ان تعلم معانيها
قول قلبى يحبها .........ولن يعيش مع غيرها
Top of Form

 تأليف:مصطفى الصاوى
القسم : الثقافى
مدير المدونه: ماجد عزت

شوف الكواكب بعينك



اكد الدكتور حاتم عودة رئيس المعهد القومى للبحوث الفلكية والجيوفيزيقيه ان كوكب زحل سيبدأ فى الظهور فى السماء ويمكن رؤيته بالعين المجردة اعتبارا من منتصف شهر ديسمبر وحتى اوائل شهر يناير لعام 2012 مشيرا لأن كوكب زحل من الكواكب التى تميز بالمجال لوجود حلقات من الغاز والاتربة والثلوج تحيط به ويمكن رؤيتها بوضوح عند خط الاستواء واضاف انه يظهر حاليا فى سماء مصر ليلا الكواكب الزهرة والمشترى والمريخ وانه يمكن مشاهدة تلك الكواكب بالعين المجردة ليلا


وبصورة اوضح بأستخدام المنظار فلكى صغير او نظارة مكبرة وقال ان كوكب الزهرة يعد المع جرم فى السماء بعد الشمس والقمر ويظهر اتجاه الغرب كما يظهر كوكب المشترى وهو اضخم الكواكب المجموعة الشمسية بالاضافه الى كوكب المريخ الذى يتميز بلونه الاحمر عن بقية كواكب السماء واشار الى ان كوكب عطارد من المحتمل مشاهدته قبل وبعد غروب الشمس بفترة قصيرة حيث انه اقرب الكواكب الى الشمس وبالتالى يختفى سريعا فى ضوئها او ضوء الشفق خاصة وان حجمه ولمعانه صغيران
بقلم:اسماء بكر
القسم : العلمى
مدير المدونه : ماجد عزت

الاثنين، 17 ديسمبر 2012

العقل الباطن


بسم الله الرحمن الرحيم
كيف تستفيد من العقل الباطن ؟؟؟
الكل يتمنى الوصول إلى خطه تقوده إلى النجاح..فمن منا لا يريد ذلك، بعد الاستعانة بالله عزّ وجل اعتمد على نفسك ببرمجة ذاتك عن الطريق العقل الباطني..
الكل يتمنى الوصول إلى خطه تقوده إلى النجاح..فمن منا لا يريد ذلك، بعد الاستعانة بالله عزّ وجل اعتمد على نفسك ببرمجة ذاتك عن الطريق العقل الباطني..
ما هو العقل الباطني؟
بقدرة من الله عزّ وجل..جعل لكل انسان قدره داخليه بالتحكم في تصرفاته وما يبدر منه نتيجة لتخاطب داخلي مع نفسه..
ما هو دوره وكيف يمكن للانسان الاستفاده منه؟
ما يبدر من انسان من رضى عن نفسه ووثقته فيها أو العكس هو في الواقع تخاطب داخلي يقوم الشخص باقناع نفسه بذلك فتبدر في تصرفاته نتيجةً لذلك..
يقوم العقل الباطن بتخزين المعلومات وترسيخها عميقاً فهي لا تقارن بالعقل الواعي، فلو قمت ببرمجة رسالة لفترة زمنية طويلة سوف ترسخ مهما كانت سلبية كأن تقول أنا خجول، أنا عصبي، أنا لا أستطيع ترك التدخين..إلخ
أيضاً له دور كبير جداً في تحديد حالتك النفسية اليومية..لأنك أنت من تحدد يومك إن كنت تريد قضاءه سعيداً أو معبوساً..
فلقد قرأت في احدى المقالات تجربة احد الأشخاص التي يقول فيها:
بأنه تعرف على شخص يُعجب الناس لأمره..فلقد كان دائماً لديه رداً ايجابياً لأسئلتك.. وكان القدوة لموظفيه فكان يحثهم دائماً ويحمسهم..
في احدى الأيام ذهب هذا الرجل إليه فكان يثير فضوله وقال له لا يمكن أن تكون ايجابياً طوال الوقت فكيف تفعلها؟
قال: استيقظ كل يوم واقول لنفسي..جيري لديك خيارين..إما أن تكون في مزاج جيد أو العكس فطبعاً يقوم باختيار الخيار الأول..فمن سيختار الثاني إذا كان الخيار بيده..
واضاف..عندما يحدث ما هو سيء..إما اختار أن اكون ضحية أو أن اتعلم من هذا الموقف..فيختار الخيار الثاني بلا شك..
وأخيراً..في كل مرة يأتي إليه شخص يشتكي إليه..إما أن يسمع الشكوة دون ردة فعل أو يتحدث إليه عن الجانب الايجابي من الحياة..فسيكون الخيار الثاني أولى..
فالحياة هي عبارة عن خيارات..إما أن تختار أن تكون في مزاج جيد أو سيء..و اختيارك أيضاً ماذا سيكون تأثير الناس على مزاجك..باختصار خيارك هو كيف تريد عيش حياتك وكيف تريدها أن تكون.......

طيب ايه رايكوا لو نتعلم ازاي نستفيد من العقل الباطن ونكون اشخاص ايجابيين في الحياه؟؟؟؟؟؟؟؟؟
خلونا  ناخد 7 عوامل اساسية   تعلمنا ازاي نستفيد من العقل الباطن...........

كيف تستفيد من عقلك الباطن؟
 1- العقل الباطن يحب التكرار:التكرار امر في غاية الاهمية لطبع المعلومات في عقلك الباطن إذا أردت أن تتعود على عادة أو عمل صالح فعليك أن تكرر الرسالة عدة مرات إلى أن تتبرمج تماما .
 2- راقب افكارك التي تدخل الى عقلك الواعي فهو يرسل المعلومات الى عقلك الباطن لذا تأكد ان ترسل الي عقلك الباطن فقط الرسائل الايجابية.
 مثل:( أنا قوي . أنا سليم أنا أستطيع الامتناع عن....)
 .
 3- قبل النوم مباشرة ابلغ عقلك الباطن بمشاعر حقيقية بما تريد ان تكون وسينفذ لك ما تريد ، كرر هذا كل ليلة. فالعقل الباطن ذو طاقة هائلة ويمكن أن نبرمجه بما نريد وسيشرع هو فوراً في التنفيذ. .
 .
 4- التخيل و احلام اليقظة أثناء الاسترخاء وسيلتك الى الابداع .(تخيل دائما انك شخص مميز و تخلص من سلوكياتك السلبية).
 .
 5- كن على يقين تام بقدرتك على النجاح و التغيير. (اليقين و الثقة امر ضروري)
 .
 6- اجعل عقلك الواعي مشغولا دائما بتوقع الافضل لان هذا سينطبع على عقلك الباطن..
 .
 7- الاحلام هي الطريق الى اللاشعور (العقل الباطن) ما تتخيله و تحلم به سيقبله عقلك الباطن و يشرع في تنفيذه.- راقب افكارك التي تدخل الى عقلك الواعي فهو يرسل المعلومات الى عقلك الباطن لذا تأكد ان ترسل الي عقلك الباطن فقط الرسائل الايجابية.
مثل:( أنا قوي . أنا سليم أنا أستطيع الامتناع عن....)
.
.
.
2- راقب افكارك التي تدخل الى عقلك الواعي فهو يرسل المعلومات الى عقلك الباطن لذا تأكد ان ترسل الي عقلك الباطن فقط الرسائل الايجابية.
مثل:( أنا قوي . أنا سليم أنا أستطيع الامتناع عن....)
.
.
.
3- قبل النوم مباشرة ابلغ عقلك الباطن بمشاعر حقيقية بما تريد ان تكون وسينفذ لك ما تريد ، كرر هذا كل ليلة. فالعقل الباطن ذو طاقة هائلة ويمكن أن نبرمجه بما نريد وسيشرع هو فوراً في التنفيذ. .
.
.
.
4- التخيل و احلام اليقظة أثناء الاسترخاء وسيلتك الى الابداع .(تخيل دائما انك شخص مميز و تخلص من سلوكياتك السلبية).
.
.
.
5- كن على يقين تام بقدرتك على النجاح و التغيير. (اليقين و الثقة امر ضروري)
.
.
.
6- اجعل عقلك الواعي مشغولا دائما بتوقع الافضل لان هذا سينطبع على عقلك الباطن..
.
.
.
7- الاحلام هي الطريق الى اللاشعور (العقل الباطن) ما تتخيله و تحلم به سيقبله عقلك الباطن و يشرع في تنفيذه.
- راقب افكارك التي تدخل الى عقلك الواعي فهو يرسل المعلومات الى عقلك الباطن لذا تأكد ان ترسل الي عقلك الباطن فقط الرسائل الايجابية.
مثل:( أنا قوي . أنا سليم أنا أستطيع الامتناع عن....)


اتمني تكونوا  استفادتوا من موضوع العقل الباطن  وياريت كلنا لو  نقدر نتحكم فيه و نغير السلبيات الكتيره الموجوده في حياتنا عشان نحاول  نوصل للمثاليه  و نكون راضين عن نفسنا و الاهمن من ده كله  رضا الله عز و جل   ............................
شكراااااااااااااا
السلام عليكم و رحمه الله و بركاته
محمد عثمان

قسم التنميه البشريه
مدير المدونه: ماجد عزت