خمسميه جنيه

خمسمية جنيه
  

- فى قلب الحدث اوافيكم بالجديد هنا حيث ..........
حول ياعم هى ناقص مرار مش كفايه الى احنا فيه 
انت ايه يبنى مش عايز تعيش فى الدنيا 
والنبى بلاش الكلام بتاعك ده فكك من الى انت فيه 
تصدق انا غلطان انى بتكلم معاك اصلا انا هطلع اقف فى البلكونه شويه 
واقف فى البلكونه وبتفرج على عم احمد وهو بيرص العيش على القفص فى الفرن ومره واحده لقيت صوت واحده ست بتصوت ......
والله لو مجبتش الخمسميةجنيه لهرتكب جنايه فيك ومحدش هيقدر يمنعنى
يلا ياست انتى من هنا انا مش طلقتك وكل واحد راح لحاله انتى الى جابك دلوقتى 
عم احمد كالعاده بيتدخل فى ايه يجماعه وحدوا الله مش كده
اشهد ياعم الحاج الراجل ده كنت ليا عنده الف جنيه ادانى خمسميه جنيه واتحبس وهو فى السجن رفعت عليه قضيه خلع وكسبتها ومش عاوز يدينى فلوسى وبعدين ابنه الى معبرهوش من ساعة مخرج من السجن وانا لفيت على المستشفيات بيه وهو ولا هو هنا 
طيب متديها فلوسها يبنى خليها تمشى 
سيبك منها  ياعم احمد ده ست مجنونه 
انا مجنونه طيب والله العظيم لهتشوف المجنونه ده هتعمل ايه ؟
والست مشيت وانا دخلت اجرى على ماما احكيلها الحقى ياماما ده حصل كذه كذ.....
صوت صويت جامد جدا وناس بتقول ياحول الله يارب وطبعا انا طلعت اجرى على البلكونه 
ويارتنى مطلعت ولا حتى كنت موجود يارتنى كنت حولت واعدت اتفرجت مع اخويا على الفيلم كان لازم يعنى اعمل نفسى مثقف 
ببص تحت لقيت واحد واقع  وغرقان بالدم وواحده بتجرى والناس اتلموا على الراجل وكله خايف منه 
نزلت جرى علشان اشوف ,ماما بتزعق وبتقولى ملكش دعوه بالحاجات ده احنا مالنا خلينا فى حالنا
مسمعتش ونزلت علشان اعرف ايه الحكايه وسالت الى كان واقف من الاول عم احمد الى حصل ياعم احمد
عم احمد ايديه بتترعش وبيقولى والله يبنى انا كنت واقف معاهم لغايه مهى مشيت وهو طلع 
هى مين وهو مين الاتنين الى كانوا بيتخانقوا؟
ومردش عليا وكمل كلامه هى رجعت تانى وانا سالتها رايحه فين قالتلى طالعه الم هدومى ياعم الحج ومعاها واد صغير 
انا حسيت انى فيه حاجه قمت طلعت وراها يبنى لقيتها بتقوله لو متدنيش فلوسى هرميلك ابنك فى اى ملجأ 
وانا يبنى واقف بره مش فاهم حاجه لقيته مره واحد قام شادد الواد منها وقال ملكيش حاجه عندى 
مره واحده لقيت الواد الصغير الى كان مهرى من العياط ملهوش صوت ولا بينطق 
والست صوتت وقالتله الواد جاله الحاله تانى الواد هيموت وطلعت تجرى فى اللحظه ده انا دخلت بجرى على الواد لقيتوا .....
وقام معيط انا طبعا كنت فاكر ... فاكر ايه انا مبقتش فاهم حاجه ولا فاكره حاجه
طيب وحد الله ياعم احمد مين الى قتل الراجل ده 
يبنى هو لما لقا ابنه مات فى ايده قام ناطط من البلكونه بتاعته 
طيب والست الست جريت ياعينى علشان تجيب الاسعاف ولا الدكتور ومش عارفين لما تيجى هنقولها ايه ؟
وطلعت احكى الحكايه زى كل حكايه بتحصل فى شارعنا ولحد مخلصت الحكايه ليهم فى البيت 
ولا الاسعاف كانت وصلت ولا الشرطه ولا حتى اى حد من الحى وكالعاده الناس بتروح ولا كأنه حصل حاجه؟!!!!!!

بقلم : ماجد عزت
القسم : الاجتماعى     مشرف القسم : ماجد عزت
مدير المدونه: ماجد عزت